最新消息
2026 公民教育好友營
18/06/20262026 公民教育好友營
放低書包，一齊去camp
6至18歲澳門小朋友 & 青少年，唔好再問暑假「去邊好？」啦！
因為一年一度、位位搶手嘅「公民教育好友營 & 親子營」又殺到啦～
今次唔單止玩到盡興、笑到碌地，仲要一齊做「有禮型格王」！
想做個識排隊、懂講「唔該」、「多謝」、守規則又潮到爆嘅年輕人？
或者想同屋企人一齊玩到盡興、溝通零隔膜？
咁就快啲報名，一齊「營」出文明、「營」出快樂！
我哋已經準備咗一連串好玩到飛起嘅環節：
趣味遊戲 × 團隊大激戰 × 互動分享 × 真心話時間
今屆營地照樣喺風景一流、海景靚到爆嘅
黑沙海灘培訓中心舉行！
吹住海風、玩住遊戲、交到朋友，簡直係快樂充電站！
大家可以邊玩邊學點樣做個「有禮小公民」
將「有禮」由camp帶返屋企，再散播去學校、社區
一齊將文明之風吹遍全澳！
仲有﹗仲有﹗今年仲有超級驚喜彩蛋！！！
首度推出「公民教育好友橫琴行」
以學校/團體為單位集體報名
帶領青少年衝出澳門，去橫琴玩住學、學住玩！挑戰跨地域任務！
仲會參觀橫琴市政設施
認識粵澳深度合作區點樣「強強聯手」
最重要係——
無論係好友營抑或親子營
都係「笑得多、學得多、連繫多」！
同輩一齊成長，家人一齊溝通
有禮，原來可以咁 fun～
溫馨提示：每場名額上限30人，現在已經開始接受七月份場次報名﹗
大家記得從速係一戶通登記啦﹗唔好做個「遲到王」啊～
詳情請密切留意市政署最新消息
亦可致電市民服務熱線2833 7676 或 澳門基督教青年會 2830 2600！
等我哋一齊型出禮貌、營出友誼、camp出新視野！
